和氣食堂 - 美食差電之旅

工作湊B讀書，3樣野同時進行時，真係都好大壓力！於是約朋友飯聚傾下計Relax下！

當日下雨天，成身濕哂，一坐底侍應姐姐立即端上香濃熱茶，暖笠笠~~

女士食飯通常都鐘意食少少沙律，貪有菜落肚冇咁有罪惡感!呢個温泉玉子牛油果凱撒沙律真心好味！沙律菜好新鮮~~撈埋溫泉玉子同少少芝士粉真係一絕！沙律菜沾上溫泉玉子同埋芝士粉，即時易入口又惹味，對於我呢個食肉獸真係岩哂!

生虎蝦刺身好爽口，加埋新鮮蒜片同少少藻類！口感一流，最欣賞酸甜汁，唔會酸到朋友，味道剛剛好！

芒果同三文魚我都鐘意食，於是試試芒果三文魚加州卷，卷物卷得夠實，唔會一食散哂！面頭飛魚籽脆卜卜，再加少少沙律醬，好味呀！ 一次過忍唔住連食2件～～～～

火炙鵝肝三點（三文魚腩、帆立貝、鰻魚）初時好擔心鵝肝會好蘇，不過食落又完全唔會，我冇諗過鵝肝同帆立貝會夾到！重點帆立貝厚身又新鮮，絕不欺場！

串燒都好有誠意，熱辣辣出場！蕃薯一硬落去出煙，又夠哂香甜！鹽燒開邊雞翼燒得夠乾身，做到皮脆肉滑，鹽味剛剛好！抵讚～ 鹽味燒牛舌最有驚喜，厚身之餘，又爽口呀！用鹽燒又食到牛舌本身風味及牛香，推薦呀～～

一見到黑豚肩燒丼有咁多蔥花，就開心到不得了，我超鐘意食蔥～～黑豚肉燒到好香口，洋蔥又脆口，飯軟硬適中！

一片黑豚肩+少少洋蔥絲+飯+燒汁真係好正，配角泡菜辣辣地，撈飯食又係超送飯！停唔到口～～\

和氣食堂 地址: 沙田 河畔花園35號地舖(港鐵沙田圍站 C 出口, 步行約9分鐘) 電話: 2637 1800 營業時間 : 星期一至五 11:30-14:45; 18:00-23:15 星期六及日: 11:00-15:15; 18:00-23:15

#食評 #日式 #和氣食堂 #生虎蝦刺身 #温泉玉子牛油果凱撒沙律 #芒果三文魚加州卷 #火炙鵝肝 #串燒 #雞翼 #蕃薯 #牛舌 #黑豚肩燒丼 #丼 #lululittlekitchen #lulu